နိုင်ငံရေးဖြစ်စဉ်များအတွင်း မီဒီယာ၏အခန်းကဏ္ဍ

မီဒီယာသည် သတင်းအချက်အလက်နှင့် အချေအတင်ဆွေးနွေးမှုကို ထွန်းကားစေနိုင်သည့်အခန်းကဏ္ဍရှိခြင်း ကြောင့် ဒီမိုကရေစီ၏အဓိကကျောရိုးဖြစ်သည်။ အထူးအားဖြင့် မီဒီယာသည် အောက်ပါအခန်းကဏ္ဍများကို ဆောင်ရွက်သည်။

• သတင်းအချက်အလက်ပလက်ဖောင်း။ မီဒီယာသည် အချေအတင်ဆွေးနွေးမှုကိုပုံဖော်ပေးမည့်သ တင်းအချက်အလက်ကို ပံ့ပိုးပြီး မဲဆန္ဒရှင်များကို ဆုံးဖြတ်ချက်ချနိုင်ရန် ကူညီပေးသည်။ အသိပညာ နှင့် ရှုထောင့်အမြင်သစ်တို့၏တည်နေရာတစ်ရပ်အဖြစ် မီဒီယာသည်လူ့အဖွဲ့အစည်းကို အတွေးအမြင် များ၊ တန်ဖိုးများနှင့် ခံယူချက်အမြင်များကို ဆန်းစစ်၊အကဲဖြတ်ရန် နေရာလပ်တစ်ခု ပေးထားသည်။
• စစ်ထုတ်ခြင်း/အစီအစဉ်သတ်မှတ်ခြင်း။ မီဒီယာသည် အခမ်းအနားဖြစ်ရပ်များကို စောင့်ကြည့်ပြီး စိတ်ဝင်စားဖွယ်ရာသတင်းအချက်အလက်ကို ရှာဖွေသည်၊ တတ်နိုင်သမျှ လူအများနှင့် ဆက်စပ်မည့် ဇာတ်လမ်းများကို အာရုံစိုက်ကြည့်သည်။ မီဒီယာသည် အပြိုင်အဆိုင်ဖြစ်နေပြီး တစ်ခါတစ်ရံပဋိပက္ခ ဖြစ်နေသည့် စျေးကွက်တွင်းမှရရှိသည့် အချက်အလက်များကို စစ်ထုတ်ကြည့်သည်။ မီဒီယာပညာရှင် ဘားနက်ကိုဟန်က မီဒီယာသည် “ တွေးရမည့်အရာကို လူအများအား အချိန်များများယူပြောပြရာ တွင် အောင်မြင်မှုရချင်မှရနိုင်သော်လည်း မည်သည့်အကြောင်းတွေးရမည်ဟု စာဖတ်သူများကို ပြော ပြရာတွင်မူ ရပ်သပ်ရှုမောဖွယ်ရာ အောင်မြင်မှုရှိသည်”ဟု ဆိုသည်။ မီဒီယာသည် လူအများကို မည် သည့်အရာဆွေးနွေးရမည်ဟု ဆုံးဖြတ်နိုင်စေရန် ကူညီပေးသည်။
• အသံထုတ်ဖော်မှု။ မီဒီယာသည် အမြင်အမျိုးမျိုး၊ ရပ်တည်ချက်အမျိုးမျိုးကို တင်ပြနိုင်စေရန်အတွက် ပလက်ဖောင်းတစ်ခုကို ပေးခြင်းအားဖြင့် အချေအတင်ဆွေးနွေးမှုများနှင့် ညှိနှိုင်းအဖြေရှာမှုအတွက် ဟစ်တိုင်တစ်တစ်ခုကို ပေးပါသည်။ မီဒီယာသည် အစဉ်အဆက်နားစွင့်မခံရသည့်သူများကို ထုတ် ဖော်ပြောရန် အခွင့်အလမ်းကို ပေးနိုင်သည်၊ အပြိုင်အဆိုင်ရှုထောင့်များနှင့် သိမြင်နားလည်ထား မှုများကို ဖော်ပြလာရန်ကမ်းလှမ်းပြီး အသံများကိုမြှင့်တင်ပေးသည်။
• လေ့လာစိစစ်ခြင်း။ မီဒီယာသည် ဖြစ်ရပ်များ၊ ပါဝင်ပတ်သက်သူများနှင့် ဖြစ်စဉ်များကို လေ့လာစိစစ် ပြီး လူ့အဖွဲ့အစည်းအတွင်း မပြတ်တမ်းအဖြေရှာရန်လိုအပ်နေသော ပြဿနာရပ်များကို ဖော်ထုတ်ပြ ပါသည်။ မီဒီယာသည် လူအများကို အဖြစ်အပျက်များ၊ အတွေးအမြင်များနှင့် ဖြစ်စဉ်များကြားချိတ် ဆက်နားလည်စေပြီး ကောက်ချက်ချကာ အဓိပ္ပာယ်ရှာဖွေဖော်ထုတ်နိုင်စေရန် ကူညီပေးသည်။
• စောင့်ကြည့်ခြင်း။ မီဒီယာသည် အာဏာလက်ဝယ်ရရှိပိုင်ဆိုင်ထားသူများကို ယင်းတို့၏တာဝန်ယူ လုပ်ဆောင်မှုများ သို့မဟုတ် တာဝန်မယူပျက်ကွက်မှုများအတွက် တာဝန်ခံနိုင်စေရန်ကူညီသည်။ မီ ဒီယာသည် အာဏာရှိသူများ၏ အလွဲအချော်များ၊ အမှားအယွင်းများကို ဖော်ထုတ်သည်၊ အာဏာရှိ သူများကို အာဏာကျင့်သုံးပုံအတွက် တာဝန်ခံစေရန် ကူညီသည်။
• အတည်ပြုပေးခြင်း။ အများပြည်သူ့ရှေ့ပေါ်ပေါက်သောဖြစ်ရပ်များကို မီဒီယာမှတစ်ဆင့် ထပ်ဆင့် လွှင့်ပေးသည်။ ထို့ကြောင့် အဆိုပါဖြစ်ရပ်များ အမှန်တကယ်ဖြစ်ပျက်ခဲ့ကြောင်း မီဒီယာကအတည်ပြု ပေးလိုက်သည်။ သာဓကများစွာကိုကြည့်လျှင် မီဒီယာမှတ်တမ်းကို ပထမဆုံး သမိုင်းမူကြမ်းအဖြစ် ယူဆကြသည်။
• စည်းရုံးသိမ်းသွင်းခြင်း။ မီဒီယာသည် နိုင်ငံသားများအတွက် သင်ယူရန်၊ ရွေးချယ်ရန်နှင့် နိုင်ငံရေးဖြစ် စဉ်တွင် ပါဝင်ဆောင်ရွက်လာရန် မက်လုံးများကို ပေးသည်။ မီဒီယာသည် လူ့အတွေ့အကြုံများ၊ အ တွေးအခေါ်များ၊ ယုံကြည်ချက်များနှင့် ခံယူချက်တို့ကို ဘုံသဘောတူညီရာနယ်ပယ်များအား ရှာတွေ့ နိုင်စေရန်ဟူ၍ရည်ရွယ်ကာ စည်းရုံးပေါင်းစုပေးသည်။ မီဒီယာသည် လူအများကို ၎င်းတို့အတွက်မည်  သည့်အရေးကိစ္စများက အရေးပါသည်၊ ထိုအရေးကိစ္စများနှင့်ပတ်သက်၍ ၎င်းတို့မြင်တွေ့လိုသော ဆောင်ရွက်ချက်က မည်သည့်အရာဖြစ်သည်ဟူသောအချက်တို့ကို စဉ်းစားဆုံးဖြတ်နိုင်စေရန်ကူညီ ပေးသည်။
• သီးခြားလွတ်လပ်မှု။ မီဒီယာသည် ပြင်ပအင်အားစုများက ၎င်း၏သီးခြားလွတ်လပ်မှုကို မှေးမှိန်သွား အောင်လုပ်လာနိုင်ခြင်းမရှိစေရန် ၎င်းဘာသာခုခံကာကွယ်သည်။ အကောင်းဆုံးမှာ မီဒီယာသည် မည်သည့်နိုင်ငံရေး သို့မဟုတ် အကျိုးစီးပွားတူအုပ်စုတစ်စုစု၏ လက်ကိုင်တုတ်မဖြစ်သင့်ခြင်းပင်။

ကိုးကား။ Leadership and Campaign Academy: Candidates Manual