စနစ်မွေးနိုင်ငံရေးသည် ညီညွတ်ပြီး ညှိနှိုင်းဆောင်ရွက်တတ်သောအစိုးရကို ပေါ်ပေါက်စေသည်

ဒီမိုကရေစီစနစ်အောင်မြင်ရေးသည် ဥပဒေပြုလွှတ်တော်၏လူမှုရေးနှင့် စီးပွားရေးပြဿနာရပ်များကို ထိရောက်စွာ ဖြေရှင်းပေးမည့် ဥပဒေပြုခြင်းကိစ္စကို အနှောင့်အယှက်ကင်းကင်းဖြင့် လုပ်ဆောင်နိုင်စွမ်းအပေါ် မူတည်သည်။ ထို့အ ပြင် မူဝါဒများကို အကောင်အထည်ဖော်နိုင်စွမ်းရှိပြီး အရည်အသွေးပြည့်၀သောခေါင်းဆောင်မှုကိုပေးနိုင်သည့် တည် ငြိမ်သောအုပ်ချုပ်ရေးမဏ္ဍိုင်တစ်ရပ်ရှိရန်လည်း လိုပြန်သည်။ အကျိုးဖြစ်ထွန်းနိုင်ရန် ဥပဒေပြုရေအစီအမံများနှင့်အစိုး ရမူဝါဒများသည် ကြောင်းကျိုးညီညွတ်ပြီး ညှိနှိုင်းဆောင်ရွက်မှုဖြင့်လုပ်ရန်လိုအပ်သည်။ တစ်နည်းအားဖြင့် မူဝါဒများ သည် တစ်ခုနှင့်တစ်ခု ဖီလာဆန့်ကျင်နေ၍မရ၊ အရေးကြီးဆုံးသောစီမံချက်များကို ဦးစားပေးရန်နှင့် အစိုးရအဖွဲ့တွင်း အစိတ်အပိုင်းအသီးသီး (သို့အစိုးရအဖွဲ့တွင်းမတူသောပါတီအသီးသီး)ကြားပဋိပက္ခများသည် အစိုးရအဖွဲ့၏စွမ်းဆောင် ရည်နှင့် ထိရောက်မှုအပေါ် အပျက်သဘောသက်ရောက်မနေစေရန်ဟု ဆိုလိုသည်။

ဒီမိုကရေစီထူထောင်ပြီးတိုင်းပြည်များတွင် နိုင်ငံရေးပါတီများသည် ဥပဒေပြုခြင်းလုပ်ငန်းစဉ်ကို ထိရောက်စွာလည် ပတ်စေရာတွင်ဖြစ်စေ၊ အစိုးရကို တည်ငြိမ်အောင်လုပ်ဆောင်ပေးရာတွင်ဖြစ်စေ အရေးကြီးသောကဏ္ဍမှပါဝင်ကြ သည်။ အထူးသဖြင့် စနစ်ကိုအဓိကအားပြုသောပါတီများသည် အစိုးရ၏တည်ငြိမ်မှုနှင့် ထိရောက်မှုကို ကြီးကြီးမားမား ပံ့ပိုးပေးသည့်အပြင် အစိုးရမူဝါဒများ ကောင်းစွာအလုပ်ဖြစ်မြောက်ရေးအတွက်လည်းကူညီပေးကြသည်။

စနစ်မွေးနိုင်ငံရေးပါတီများသည် လူ့အဖွဲ့အစည်း၏ကျယ်ပြန့်သောအပိုင်းကဏ္ဍတစ်ရပ်ကို ရည်ရွယ်ကာ ကြောင်းကျိုး ညီညွတ်သောမူဝါဒပလက်ဖောင်းများကို ဖော်ဆောင်ပေးရမည်၊ ထိုမူဝါဒပလက်ဖောင်းများကို အစိုးရနှင့် ဗြူရိုကရေစီ ယန္တရားတွင် လက်တွေ့ဆောင်ရွက်ချက်အဖြစ် နိုင်ငံရေးပါတီများက ကူးပြောင်းလဲပေးနိုင်သည်ဖြစ်ရာ သီးခြားအကျိုး စီးပွားများကို အလေးထားသော ပါတီများ(သို့) တစ်သီးပုဂ္ဂလများထက် အစိုးရအစီအစဉ်များကို ဟန်ချက်ညီညီ၊ ကြောင်းကျိုးညီညီဖြစ်အောင် ပိုမိုလွယ်ကူစွာ လုပ်ဆောင်ပေးနိုင်သည်မှာ စနစ်မွေးပါတီများမှလွဲ၍တခြားမရှိနိုင်ပါ။

ပါတီစည်းမျဉ်းစည်းကမ်းသည် အစိုးရအဖွဲ့တွင်း တည်ငြိမ်မှုကို မြှင့်တင်ပေးသည်

စနစ်မွေးပါတီများသည် ဥပဒေပြုမဏ္ဍိုင်တွင်း ဆန္ဒမဲအများစုရရှိမှုကို တည်ငြိမ်နေအောင် စုစည်းပေးခြင်း၊ ဗြူရိုကရေစီ စနစ်တွင် မူဝါဒကို ကြောင်းကျိုးလျော်ညီစွာ စီမံဆောင်ရွက်ခြင်း၊ လိုအပ်လျှင် နိုင်ငံရေးဆိုင်ရာအပေးအယူများကို ညှိ နှိုင်းစေ့စပ်ပေးခြင်းတို့ကို ပိုမိုလွယ်ကူစေမည့် အကျိုးစီးပွားစုစည်းမှု၊ အကျိုးစီးပွားအထူးပြုမှုနှင့် စည်းမျဉ်းစည်းကမ်း အစရှိသည်တို့နှင့်ဆိုင်ရာအတွင်းပိုင်းဖွဲ့စည်းပုံစနစ်များကိုလည်း ဖော်ဆော်ပေးသည်။

ဤအချက်သည် စိတ်ကူးသက်သက်တင်ပြချက်မဟုတ်သော်လည်း လက်တွေ့တွင် အမြဲဖြစ်နေသည်တော့မဟုတ်ပေ။ ဤလမ်းစဉ်ကို ပါတီတချို့က သီးခြားကိစ္စရပ်နှစ်ခုအဖြစ်ခွဲကာ ချဉ်းကပ်ကြသည်။ အဖွဲ့တွင်းစုစည်းမှုကို မြှင့်တင်ပေး သည်ဟုဆိုသောရှုထောင့်မှကြည့်လျှင် ဒီမိုကရေစီစနစ်၏အတွင်းသားသည် နေရာတကျဖြစ်နေပါက အထက်ကအ ချက်သည် အကောင်းဆုံးအလုပ်ဖြစ်မည်ဟု ထိုပါတီတချို့ကဆိုကြသည်။ သို့ရာတွင် ခိုင်မာသောခေါင်းဆောင်တစ်ဦး ကဖြစ်စေ၊ အဆင့်ပိုနိမ့်သောနိုင်ငံရေးသမားများ/အုပ်ချုပ်ရေးဌာနမှဖြစ်စေ တင်ပြလာသည့် အထက်အောက်ရေးဆွဲချ မှတ်ထားသောအစီအစဉ်တစ်ရပ်သည် စနစ်မွေးပါတီတစ်ရပ်၏အရေးပါသောလက္ခဏာတစ်ရပ်အဖြစ်ရှိနေဆဲပင်။

ဒီမိုကရေစီနိုင်ငံအများစုတွင် ရွေးကောက်ခံကိုယ်စားလှယ်များသည် တရားဝင်အားဖြင့် အမှီအခိုကင်းလွတ်လပ်ကြသူ များဖြစ်သော်လည်း နိုင်ငံရေးပါတီများကမူ ဘေယုယျအားဖြင့်ပါတီမူဘောင်အတိုင်း လိုက်နာဆောင်ရွက်ရေးယန္တရား များကို ချမှတ်ထားကြသည်။ ပါတီဝင်တိုင်းသည် ကနဦးစွာ ပါတီမူချမှတ်ရေးအပေါ် ဩဇာညောင်းနိုင်သော အခွင့် အရေးတစ်ရပ်စီရှိနေလျှင် ဤအချက်သည် ဒီမိုကရေစီနည်းနှင့်မညီဟုပြော၍မရပါ။ ထို့ကြောင့် ဒီမိုကရေစီနည်းကျ အ တွင်းပိုင်းဖွဲ့စည်းမှုပုံစံများကို ထူထောင်ခြင်းသည် ပါတီအခြေခံစည်းမျဉ်းကို တရားဝင် ပြဋ္ဌာန်းရန်အတွက် အရေးပါ သော တင်ကူးလိုအပ်ချက်တစ်ရပ်ဖြစ်နေရခြင်းပင်ဖြစ်သည်။

ထိုသို့သောပါတီအခြေခံစည်းမျဉ်းသည်သာ အစိုးရကို တည်ငြိမ်အောင်လုပ်ပေးသည့်အပြင် အစိုးရ၏နိုင်ငံရေးအစီအ စဉ်များကိုလည်း နိုင်ငံရေးပြဿနာတစ်ရပ်အပေါ် ဆန္ဒမဲအများစုကို အသစ်တစ်ဖန်ရအောင်လုပ်ပြီးဖြေရှင်းယူရသော အခြေအနေနှင့်နှိုင်းစာလျှင် ပို၍ကြောင်းကျိုးညီညွတ်စွာ အကောင်အထည်ဖော်နိုင်စေသည်။ အခြားတစ်ဖက်တွင်မူ အနည်းငယ်သောဆန္ဒမဲအများစုရထားသည့် အစိုးရတစ်ရပ်ရှိနေပြန်လျှင် နိုင်ငံရေးကိစ္စရပ်တစ်ခုချင်းစီအတွက် ညှိနှိုင်း ဆွေးနွေးရန်လိုအပ်နေတတ်သည်။ ဤသို့ဖြင့် အငြင်းပွားဖွယ်ရာကိစ္စရပ်များအပေါ် လူထုထောက်ခံမှုကိုပိုမိုကျယ်ပြန့် လာစေနိုင်ပြီး လွှတ်တော်တွင်း နေရာပိုနည်းပါးစွာရရှိထားသောပါတီများကို အစိုးရမူဝါဒများအပေါ် ဩဇာညောင်းနိုင် ရန်အာဏာပိုပေးလိုက်သလိုဖြစ်နိုင်ပါသည်။ ထို့အပြင် ပါတီဦးဆောင်သောစေ့စပ်ညှိနှိုင်းမှုများသည် သီးခြားလွတ်လပ် သောဥပဒေရေးဆွဲသူပေါင်းမြောက်များစွာစုပြုံပြီး ဆွေးနွေးကြမှုများထက် နိုင်ငံရေးဆိုင်ရာညှိနှိုင်းအပေးအယူများကို ပိုမိုထိရောက်စွာ လုပ်လာနိုင်သည်။