အပိုင်း ၃၊ အခန်း ၄တွင် စီဒေါကွန်ဗင်းရှင်းအကြောင်း ပြောခဲ့ကြပါသည်။ လွှတ်တော်ကိုယ်စားလှယ်များသည် စီဒေါလုပ်ငန်းစဉ် များအတွင်း ပါဝင်နိုင်သည့် အခွင့်အလမ်းရှိပါသည်။ စီဒေါကော်မတီမှ အဖွဲ့ဝင်နိုင်ငံများအတွက် အကြံပြုချက်အများအပြား ရှိပါသည်။ ၎င်းတို့ထဲတွင် အောက်ပါတို့ ပါဝင်ပါသည် -

-                လွှတ်တော်များသည် အစီရင်ခံစာတင်သွင်းရေးလုပ်ငန်းစဉ်နှင့် ကွန်ဗင်းရှင်းနှင့် ၎င်း၏ ကျင့်ဝတ်များအားအကောင် အထည်ဖော်ဆောင်ရွက်ခြင်းတို့တွင် ပြည့်ဝစွာ ပါဝင်ဆောင်ရွက်ရမည်။ 

-                ကိုယ်စားလှယ်များမှ မဲပေးသူများကို စီဒေါကော်မတီ၏ လုပ်ငန်းများအကြောင်းအသိပေးရန် လွှတ်တော်ကတိုက်တွန်းအားပေးရမည်။ 

-                နိုင်ငံတော်က သက်ဆိုင်ရာ သတင်းအချက်အလက်များအားလုံးကို လွှတ်တော်ကိုယ်စားလှယ်များအား ပုံမှန်ပံ့ပိုးပေး ရမည်။  

-                အဖွဲ့ဝင်နိုင်ငံတစ်ရပ်အနေဖြင့် သတင်းအချက်အလက်များရယူရန်မှာ နိုင်ငံတော်၏ တာဝန်ဝတ္တရားဖြစ်ပြီးအခြားသော ဖြေရှင်းဆောင်ရွက်ပေးရန်ရှိသည့်ကိစ္စရပ်များကို လွှတ်တော်ကိုယ်စားလှယ်များထံ ဆောင်ယူပေးရမည်။  

-                စီဒေါကော်မတီအဖွဲ့ဝင်များအား အဖွဲ့ဝင်နိုင်ငံသို့ ဖိတ်ကြားသည့်အခါများတွင် အဖွဲ့ဝင်နိုင်ငံအနေဖြင့် ဆန္ဒရှိပါက လွှတ်တော်ကိုယ်စားလှယ်များနှင့် အစည်းအဝေးများ ကျင်းပပေးနိုင်သည်။ 

 ကော်မတီသည် လွှတ်တော်အဆင့်တွင် တန်းတူညီမျှမှုရှိစေရေးအတွက် ကျား၊ မ တန်းတူညီမျှရေး ကော်မရှင်များ၊အမျိုးသမီး များအပေါ် အကြမ်းဖက်မှုဆိုင်ရာ စုံစမ်းလေ့လာမှုနှင့် သတင်းအချက် အလက်ရယူမှုများ၊ အမျိုးသမီးများနှင့် အမျိုးသား များကြား တန်းတူညီမျှမှုအတွက် ဥပဒေပြုရေးဆိုင်ရာ တိုးတက်မှုများအစရှိသည့်နိုင်ငံတော်အဆင့်ယန္တရား အားကောင်း စေရန် အရေးကြီးကြောင်း ဖော်ပြပါသည်။ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနသည် အမျိုးသမီးများ ဖွံ့ဖြိုးတိုးတက်ရေး ဆိုင်ရာ အမျိုးသားအဆင့် မဟာဗျူဟာစီမံကိန်း(၂၀၁၃-၂၀၂၂) ကို အရပ်ဘက် လူမှုအဖွဲ့ အစည်းများ အားလုံးပါဝင်မှုဖြင့် ရေးဆွဲခဲ့ပါသည် (အောက်တွင်ကြည့်ပါ)၊ အွန်လိုင်းတွင်လည်း ဖတ်ရှုနိုင်ပါသည်။

စီဒေါကော်မတီသည် လွှတ်တော်မှ အမျိုးသမီးအခွင့်အရေးကို တိုးမြှင့်ဆောင်ရွက်ရာတွင် အရပ်ဘက် လူမှုအဖွဲ့အစည်းများ၊ အမျိုးသမီးအဖွဲ့အစည်းများနှင့်အဖွဲ့အစည်းဆိုင်ရာချိတ်ဆက်ဆောင်ရွက်မှုများနှင့် အလွတ် သဘောချိတ်ဆက်ဆောင်ရွက် မှုများ ရှိရန် အရေးကြီးကြောင်းဖော်ပြပါသည်။

လွှတ်တော်၏ တာဝန်ဝတ္တရားများကို ပိုမို သိသာထင်ရှားစေရေးအတွက် အဖွဲ့ဝင်နိုင်ငံများ၏ အစီရင်ခံစာများအားကော်မတီမှ ကြားနာစစ်ဆေးခြင်း မပြုလုပ်မီ ကိုယ်စားလှယ်အဖွဲ့ထဲတွင် လွှတ်တော် ကိုယ်စားလှယ်များနှင့် အစိုးရနှင့်လွှတ်တော်ကြား ဆက်သွယ်မှုဆိုင်ရာ အထူးအကြံပေးတစ်ယောက်အား ထည့်သွင်းရန် ကော်မတီမှ တိုက်တွန်းခဲ့ပါသည်။